لو بكيت الليل ماعندي احد=ولوشكيت الحال مامن فايده
ياوسيع الجود يالفرد الصمد=حل قيد اللي عزومه بايده
في صباح العيد ضحوا بالنجد=وضحت بعمري عيون صايده
كل مخلوق تعيد في رغد=واهتنابالعيد وخله رايده
الا انا يارب لي حظ النكد=عذبن والناس غيري هايده
سرمدي الليل طرفي مارقد=بالحشا جرحين من لهايده
جيت اعايدها وقالت ياولد=احترم نفسك أعلومك كايده
قلت له ماترحمين اللي صعد=للثريا من اهموم زايده
قالت اسمك قلت له اسمي حمد=واضحكت قالت أنا لك عايده
واصدقت بالعلم واعطتني سند=واقسمت بالله لجيك معايده
انتظر للسبت او يوم الاحد=تاخذ المطلوب دون امحايده
العهد بالغيد مايصدق ابد=ياخذ نك بالعهود النايده
لاترجاء السيل من برق ورعد=الامر لله كلش رايده
يابو ناصر قبل مطوى اللحد=يازبون المحصنات السايده
لدلي عن جور مركوز النهد=من علا قلبي نزع ضمايده
حملها نورين نور فوق خد=ونار بثيابي شعل وقايده
ان شكيت المصيبه عند احد=قال يامسكين مامن فايده