المانيا والبرد والناس والليل=والشعر لا منّه على البال عدّى
ورذاذ من حرّ الصدر والتعاليل=ما ابكيت بُعدك لكن الخدّ ندّى
يا حلوتي واهل الجوازات بالحيل=فيهم رديّ النفس واللي تردّى
قانونهم يمشي على الشعب والويل=للّي مخالف ولاّ للّي تصدّى
ارسلت ابيهم يا سفا بالمراسيل=ما عندهم للمشكله حلّ ادّى
وانا لو اعرف واسطه بالرجاجيل=لا امشّي اقوى معامله وآتحدّى
يا حلوتي والصبر عدّل بي الميل=اليا سفهته صاح وان صحت هدّى
مجرّبه من قبل راعي مواصيل=على كثر ما جابني كثر ودّى
كم قلت له ملّيت! مافيه تبديل؟= يردّ لي يا مرحبا يالمبدّى
قصدي بغيتك بالليال المقابيل=باقي شهر مشتاق لك شوق جدّا
مشتاق لك والجسم ناحل تفاصيل=ماهي قضيّة هو تعشّى؟ تغدّى؟
وصاد نقطه لأي معرس بهالجيل=وصاد نقطه للمليك المفدّى