عقب الغزل ومسامر جديل جادل=ومعاند ابيات الشعر في سكوتي
قدّمت دمّي يوم كل جرح نادل=كنّه يقاطر من عناقيد توتي
واذوب من فوق القمم للجنادل=للديره اللي جعلها تذوق موتي
حتّى مع الطين ارتشف وآتبادل=الين اردّ اصوات قبري بصوتي
يالاهدل اسباب اجتياح الاهادل=وش جاب لبّاس الوزر للبشوتي
تدري فعولك في جنوبي تعادل=مثل المصايح عند لعب البلوتي
لانهم معازيف الفشق والعنادل=غنّت على اصحابك ومن غير نوتي
واليوم شفتك تستحثّ وتجادل=وتدعي علينا كل حزّة قنوتي
وكان العريفي قال ما قال عادل=شيوخ ما تصبغ عمايم وكوتي
وما تاخذ من الناس شيٍ يعادل=خُمسٍ من ارزاق الخبول الكبوتي
لكنّ لا نادى المنادي ببادل=في فرصةٍ ما اظنها عنّي تفوتي
روحي وقلبي والنواظر وانا آدل=صعده وما بين البحر والخبوتي