هاتولي البندق وهاتولي الطير
والجيب هاته يا علي والمعاميل

ودي بسجه بالفياض المخاضير
يم الشمال ويم ذيك المداهيل

ودي بخوة طيبينٍ مناعير
اللي سوالفهم عن الطير والهيل

بارضٍ بها جول الحباري مخامير
ما طبها الشاوي عقب هلة السيل

نبعد عن اللي يكسبون الدنانير
اللي يعدون الدراهم محاصيل

ومعنا أشقرٍ كفه سوات المسامير
حرٍ يحشر الصيد بالكف بالحيل

ماحولنا غير البكار المغاتير
وريح الخزامى والنفل عطر الليل

في عبلةٍ محدٍ حفر حولها بير
سرابها يدني بعيد الغراميل

واللي نزل فيها على العز والخير
لو هو خلا كنه على شاطي النيل

هذا هواي وغايتي ياالصقاقير
يوم إن بعض الناس همه على الكيل