مع هبوب الصبا= جبت حلو النبا

قاف مركباً= وانظم عقودها

استمع يا فتى= في جواب آتي

صيف والا شتا= مورقٍ عودها

صاحبي يرثا= عقب شاف الغثا

اغبروا اشعثا= خيل رعودها

عقب قطع الرجا= دور المخرجا

صوت ولجلجا= جاد بوجودها

لو دهن للحا= تستدير الرحا

مير شمس الضحا= تفضح شهودها

ما بذل في سخا= يوم وقت الرخا

عن عدن والمخا= هجت زيودها

ثوبه معربدا= هرجه مرددا

شوفه معقدا= ينزل صعودها

والعمر هكذا= شاف منه الأذى

مبر من ينقذا= باحت سدودها

مادري وش جرا= يوم ليلة سرا

لو رجع للورى= يفتل عضودها

وسط داره لزا= ماعدا ماغزا

وما بقا له عزا= طاح بارودها

صار صبحه مسا= وإن ذكرها نسا

ما ثبت ما رسا= ضعفت جهودها

كلش مشوشا= جوّه مغبشا

ان وقف وان مشا= هز عمودها

ما يهز العصا= ما يلقط حصى

كل شيء عصا= جار مالودها

يوم عمره مضى= قام يا يركضا

وده يعوضا= يطلق قيودها

مير بعض الخِطا= بأن فيه الخَطا

لين فرق القطا= اخلف ورودها

للحليلة دعى= مير ماحدن وعى

راسه مصدعا= غاب مسعودها

ما يفيد اللغا= والثغا والرغا

عقب هاك الطغى= صار مقرودها

شغلته يصرفا= دون ما يعرفا

ماحد له وفا= جاه موعودها

لو يخض السقا= ما بقا به بقا

بالطويلة رقا= يشكي صدودها

لو حكا لو شكا= ما يفيد البكا

وين راح الذكا= بأول عقودها

ماهوب الأولا= لا ولا وألف لا

جيب مكملا= احدر سنودها

يشتكي كلما= يصعد السلما

ضربت معلما= صحت رقودها

العمر لو فنا= عقب عز وهنا

ما تحسف هنا= ذاق عنقودها

يوم طرد المها= ما سرا يمها

اختلف دمها= مال عرجودها

اكتوا وانتوا= من الهوا مارتوا

والعوا والنوا= عاده يعودها

واختم افكاريا= باجودا شعاريا

موجزا خبارياً= انشدوا عودها