الله اكبر ياهزيعٍ مـن الثلـث الاخيـر=كم تسترعي فضول الهجوس المرهفـه


قمت اهجرع بك حنيني بعد هاك الهدير=وين هـذا مستخبّـي وتـوك تكشفـه


مادريت إن المحبه عبـوسٍ قمطريـر=لين قامت بنت الاجواد قلبـي تشعفـه


نوختني بآخر العمـر تنويـخ البعيـر=ليتَ شِعري . لودرت عن حمد لو تعرفه


يوم هو مايرخي الرآس لو لاكبر كبيـر=تكبـر القالـه وتصغـر ولا تستهدفـه


شايفٍ شوفه بروحه ولا شوفة وزيـر=لين جبتي رآسه القاع رغـم الزعنفـه


يا مليح الزول والقول والوجه النويـر=لا تلفلـف دون عينـي كفايـه لفلفـه


والله إن لك بين الاضلاع مجلاسٍ وثير=ماجلس به قبلـك إنسـان ولا يعرفـه


مخملي عنّابي اللون واطرافـه حريـر=والجواهر فيه مرصوعـةٍ ومصفصفـه


بعد ما ودعتك البارحـه مانـي بخيـر=أتقلـب والهواجيـس قلبـي تعصفـه


إنصفيني لعنبو " ضرّةٍ " مابـه دريـر=ناشفٍ ريقي وروحي بروحك مشغفـه


جيت كلـي مابقابـي قليـل ولا كثيـر=فـدوةٍ لعيونـك الناعسـات المترفـه