يـــــازين والله مانويت العنا بك=لا شـــك قلبي ياريش العين ينساق

لا لا تحاول تجرح اللي شقى بك=العيـــــن دمعه من سبايبك دفاق

فــــي كل يوم اقول يمطر سحابك=يالمــــــزنه اللي فيك رعد وبراق

حاولت اسلـي خاطري بالرجا بك=لاشك حبــــك صــار يالزين خناق

يما عنيت وجيــــت لك عند بابك=واشوف مـاحيٍ على الباب مشتاق

يالــــيت ماصابن من الهم صابك=كـــودك تحـــس بقلب حاير ومنعاق

ومـــــع كل هذا يحفظ الله شبابك=من قلب لك ياناعس الطرف يشتاق

الله يفكـــــــــن من توالي عذابك=واســـلا واسلي خاطري وانت سباق