إيه : استثيري بيوت الشِّعر من صدري =زِيِدِي بِظلمي وازيدتس عدل وانصافي
يامُلهِمَة لَحْني المَسحوب والحَدْرِي= وْهْجينِي القاف مع شيباني القافي
ياللي خدودتس بها من لمحة البَدْري= وْشِفَايِفِتس كِنها جمرٍ على سافي
وجسمتس كِما الخيزران وْدَرْجِة الكِدْرِي =إلى مشيتي . غَديت أرباع وانصافي
بَدْري عليتس المشاكل والزَّعل بَدْري =رُوقي مِعي والشقا ملحوق الاطرافي
اليوم يُمطِر سِماه وْجَوَّها خِدْرِي= تعالي أسقيتس واسقيني من الصافي
إن كان عِندتس نِزَل بي مستوى قَدرْي =فانتي على العكس قدرتس طايلٍ ضافي
يلومني دِحْشِ قَلبه ميت مايدري= ما تَلَّن البيض مِعلوقه ولاشافي
عينه على الصَحْنِ والملاَّس والقِدْرِي =إلى ملا البَطْنِ عيَّد عِيد الاشرافي
ليا مَلَ الغاضِر اللي يَمْحَق الوَدْري= جسمٍ بلا روح . لولا مَرْقِدِه دافي