المرتحل لايصفق القلب . بيديه= يخاف فيه الله ويدرا العقوبة
ماهوب ناقص صفق . مافيه يكفيه= من الزمان اللي تتالت كروبه
أولى به إنه . يِحْتِضِنْه ويداويه =ويمسح عليه بلطف تبرأ نِدوبه
إكرام للي عاف غيره . لِعينيه =وأجْر وغنيمة وإحتساب ومثوبة
هو مادرى إن لِه في بطينيه واذنيه =مراتعٍ خضرا تطارد خصوبة
عشقت طيفه قبل اشوفه واحاكيه= واشَنِّف أذآني براقي اسلوبه
سِلْهامة عيونه ورعشات إشافيه= رهن الإشارة يوم أداعب خضوبه
مع شِن مِبَيَّن لي وشَيٍّ مِخَفِّيه =يُنسِيني اللي مَسِّني من لغوبه
لو عشت مهما عشت مانيب ناسيه =من دونه أيامي ماهيب محسوبه
قلبي مِعه ومنين ماراح يتليه =والعين عن شوفة سِواه محجوبة
يامن يجيب العلم لي وين أراضيه؟ =وبأي إتجاهاتٍ تصافق دروبه
ماراح مِبْغض روِّحِه شيّ حاديه= ضرب الرصاص اللي يِصَلّخ جنوبه
أهل الحسد وبليس مامات طاريه =مِلبِد ورا القِشْعَه وِيَنْفَخ ذروبه
نوبٍ يهبِّيني ونوبٍ يهبِّيه =هبّت عليه العاتية من هبوبه
هو يحسب إنه في دَرَاهِمْه شاريه= أووِرْثِةٍ لِه من تلايدعصوبه
مايدري إن القوس بيدين باريه =والضرع دِرّه . ماتحلب مغصوبة
ياحاسدين اللي يِصَخِّر معانيه= حاكوه . وِمشوا مَشْيِتِه . واقتدوبه
والا إسكتوا . مافاقدٍ شَيّ مِعطيه =لو يلطم خدوده ولو شق ثوبه
ماقَلّ دلّ وزبدة الهرج صافيه =المرجلة عسرة وفيها صعوبه