يا قاف لا تنسى معانيك ديرة =غنوا غلاها بالقوافي و الالحان
ديرة علا ذكره علي ذكر غيره =كلٍ تمنى لو ثراها له اوطان
هي ديرةٍ بنيت على خير سيرة =تجمع اهل علم واهل طيب و ايمان
هي منبع الحب المصفى وبيرة = نارد عليها ورد هايم و ولهان
ما تشبه ديار البلاد الكثيرة = الله حباها من جزل فضلة الوان
و ان قلت منهي قلت دارٍ نظيرة = تاريخها في قمة المجد عنوان
هذي عنيزة حبنا والبريرة = هي حبنا اللي ما تقدر بالاثمان
في امسها كانت حضارة كبيره = تسبق الي نيل المعالي و الاحسان
و اليوم اهلها من كرام الجزيرة = افعالهم بالطيب في كل ميدان
يالله تحيي ارضها بالمطيرة = و تحيي بها كل الصحاري و وديان