قصيدة عتب لبعض القصائد في مجلس القاضي

للتوثيق فقط!

يا محمّد العبدالله القاضي على المجلس سلام=لو كان يحمل باسمك التاريخ واهل النتّ به
البارحة راحت علَي من عمر والعالم نيام=سهران من ضيقي وفي قلبي شعر ما بتّ به
احيان اقول الشعر من شوقي ومن زود الغرام=واحيان اجي فوضاه من حزني عليه ارتّبه
ماهوب كورة او بلوت او كان فوزٍ وانهزام=لكنّ احمْد الله ترى كل القصيد افتّ به
لا عاد يلحقني من القربى ولا صحبي ملام=لو قلت ابقصر شرّ في كل موقفٍ سكتّ به
انا تسذا مانيب اعدّيها ولا فيها كلام=ان قلت ابتّ بأمر يعني لازم انّ ابتّ به
شفت القصيد بمجلس القاضي قليل الاحترام=من واحدٍ يعجن سليم القافية ويلتّ به
وشفت القصيد بمجلس القاضي ترى ماهو تمام=من واحدٍ يبطي وهو يقراه كيف يكتّبه؟
وشفت القصيد بمجلس القاضي بعيد الالتزام=من واحدٍ شدّ بحروفه والحروف اتزتّ به
وشفت القصيد بمجلس القاضي جفاه الاحتشام=من واحدٍ ودّي يعرف الباب ذا لا يعتّبه!
ودّي غصب عن كل واحد قبل ما يقول السلام=نذوّقه من قهوة القاضي ولا تنكتّ به
يا محمّد العبدالله القاضي و ( لو ) ماهي حرام=لو كنت عايش لين هذا الجيل كانك متّ به!!