الآيآدرآسين العلم علم اثنين بعد الفين = ولو انه بقى شهرين للعامين واتمه
ضربت بجدول الضرب ولقيته مايصير اثنين = قسمة الصفر مع واحد وعيا يقبل القسمه
جمعت الكسر مع ربع و ثمن واصبح صفر عشرين = طرحته من ثلاث واربعين وجات بالقمه
حذفت الهندسه و المسطره واعطيتها القارين = خلايق عارفه ثم عارفه تاخذ من الجمه
و قلت ان القواعد والفقه فيها علوم الدين = ولكني دخلت بعلم لاجره ولازمه
لقيت النحو فيه الحذف و التقدير و التنوين = و رفعت الحا لكن الخا غلب واعطيته الضمه
و قلت السين مير السين في المنهج بعدها شين = و قدرت الضمير المستتر وامسيت في همه
و خليت الدراسه واصبحت مابين عين و غين =و دسيت القلم بقصى زوايا مربط العمه
ترى مثلي كثير من العرب نوما وهم واعين = لحيث ان القلم والبري واجد يكسر السمه
و قلت ازرع واحصد البر عن قولة منين و فين = على ريح السحاب و تربته من وادي الرمه
وباسير على شعيل ابن عمي والعرب ناحيين = وباخذ من علومه علم وافي راعي الذمه
الاياشعيل ابو فيصل ولد عباد قلي وين = على ايات المرامي وارمي الشاره بلازمه
انا هوجاس قلبي بالفضا يقعد بعد عامين = ولو انه تركني جيب ثوبي ماتعبه كمه
اسج مع الصحاري واترك القاصين والدانين=وميز شكل نبت الارض من لونه ومن شمه
ترى عمر الفتى فاني وكل الخلق هم فانين = و عسى قلب بليا كار و سطه ينحجر دمه
و ترى رب الخلايق يجزي الفاعل مع الراضين = ودين الله واضح يجزي الغافل عن النمه
ليا منه رزق شخص و سمى قالو اسمك زين = يجي شخص يقول فلان وانت الي تبي سمه
على نسناس شرقي الشمال اعن اليسار ايمين = كتبت الك الرساله والمصلي يعرف اليمه
تقبلها تحيات مثل لون الزهر شكلين = ترى طيب الولد ينصاه من خاله و من عمه