ياحمام الورق هيجت المعنا في رطينك=والله انك كل ماروجعت صوتك جان ونه
لاتذكرني زمان فايت الله لايهينك =يوم هو عندي قريب والخواطر مرجهنه
قصتي ماينعرف له لاتقول معذبينك= عذبن بعد المسافه والظروف اللي حدنه
انت تلعب عند عشك من غصينك في غصينك=اما انا لعبي نحيبي والضلوع يجاوبنه
ليت تاخذ لي رساله سرها بيني وبينك = لي بها قصه غرام مابها خوف ومنه
وصله مني وقل له ذي رساله من رهينك=وسطها حروف ثلاثه لازم انهن ياصلنه
وان سأل عني فقل له صاحبك قلبه طعينك=لاعته دنياه لاجلك والهموم يطاردنه
شفت حاله ماتسرك كلها بأسباب عينك= ماجداه الا التوجد والمصايب يرهجنه
كل ماسج بمنامه جيت له رافع يدينك=حلم من حلم الغداري والمساري عذبنه
شيبه غربال بقعاء بالتفرق عن حنينك= شيبنه بالتفرق والليالي ما تحنه
ان تذكر يوم تاخذ كفه اليسرا يمينك =صاح صيحه مدمي شاف المنايا يحترنه
ظامي الذاك الغدير اللي شرب جمة حضينك=يوم ابو ماادري بنومه واثق من حسن ظنه