بيح السد مني يوم ناحت حمامه =يوم ناحت علي غصنه وهي مستريحه
ذكرتني بعد ماقلت ينسي غرامه =قلبي المبتلي اللي مايحب الفضيحه
اصخر القلب للنسيان لجل السلامه=والمصايب تصايدني وساقي جريحه
ان نزلت البلد حالي بحال الندامه =وان نصيت الخلا عديت راس الصفيحه
ارفع الصوت واقنب مثل ذيب الجهامه=واتشكي علي الله والليالي شحيحه
اتشكي هوى ظبي بعيد مرامه =مثل نجم الثريا صار صعب مطيحه
عاذلي لاتلومن صادني ريم رامه=والله انك علي لومي كسبت الجنيحه
خل لومي وحظي يرفع الله مقامه =او يصيبن بسهم الموت والله يبيحه
ماملكني سوى من هو يقود الزعامه =منهل الزين وصفي له قصر عن مديحه
والله ان الغلا له لين يوم القيامه =كيف ابنسي هوى من صار بختي بريحه
جادل دولبت لب لين حطت علامه =خنجر في حشي روحي تزايد نضيحه
مسني ضر من زانه علي الخد شامه = فوق خد كما برق ينوض بلميحه
يوم كل علي خله يقودة منامه =قادني للسهر حب المهاة المليحه
التزم بالتستر والحياء والشهامه=عن خبر كلمة بين الوجيه الكليحه