انا والليل والصبح اجتمعنا=وعلي هالوضع هذا ما اقتنعنا!
ليا هام الفكر في حاجة* له=مشينا وان تعدانا رجعنا!
ادور للمعاني واتنقى=بيوت المهمل اللي به برعنا!
بعد ما جاني إمن الهامك اللي=علي غيرك من العالم منعنا!
ابكتب لك قصيدة واقبليها*=الا يالملهمه لامن شرعنا!
وقولي ويش بالابيات رايك=لعله صدرك الواسع وسعنا!
ولاهو خافي العالم من انتي= طبعتي فيني ! وفيك انطبعنا!
ولاهو جاهل اللي بالاهلي= من انتي ! لا دخلنا او طلعنا!
كثيرات البنات إهناك وإهنا=وحنا لو نلد العين ضعنا!
لانك غير ! وانتي غير عندي=اذا شفنا ! واذا حتي سمعنا!
تميزتي برزنك يا رزينه=اكلنا من غلاك وما شبعنا!
وانا واياك لو إنا نزلنا=تحت ! بالحب والشوق إرتفعنا!
وصباحي يا بعد قلبي وليلي=علي شانك ! زعلنا وإنقطعنا!
تخالف صبحي وليلي بوقتك= وزادت غيرة القلب وجزعنا!
وانا والليل والصبح اجتمعنا= وتفرقنا ! وحنا ما اقتنعنا!