عنيزة
عـــنيزه
عند الجـــــــناح أرخيت مدّة جناحي وعــند الغضا مديت للشوق جنحان يا عـــــاشق عنيزه بعشـــقٍ مباحي نخيل عشقك بينها ورود وأغصان ما دام لك قلب إلا نمــــت صــــاحي هذي عــــنيزه ســــاهره بين خـلان من يعشـــــق دياره بود صــــراحي لا ما تلومه لو بكى غـــربة اوطان نامت عــيون الكـون عند الرواحـي وتاهت نجوم الليل بعيون ولهــــــان وقفت اناظر ليلتي في صـــباحــــي واســـائل الشمس البهيه عن أزمان ودفــنت جرحي في ترايب جراحي وســكبت مري في مشاوير وهــلان وضيّعت جدي في مجـــاهل مزاحي وكـــتبت ودي في سواليف وأشجان انســـــابت القصة بأول مراحــــي واحــترت وين انهي تباريح سهران هذي قصيم العــــز مدن وضواحي في قربهم امــزان تزدان بامـــــزان قلوبهم شـــامت عن اجداب راحي وســــالت أيــــاديهم بوابـل وهــــتان إن رحت مهما رحت تلقى وشاحي يظللك بالحر وبالبرد دفـــــيـــــــــان من وين ما قبّلت شــــهدٍ قـراحي ومن وين ما قـــفّيت حســرات انسان انسان إبن الأرض والهيل فاحي من غرفـــة ضـــاقت ولا ضاقوا اخوان ونفوسهم برحى وضيق البراحي بفيضهم تخـــــتال بوســـاع جـــــدران يروي بها الضامي بذيك النواحـي ويسجم بطرفه بلفتات عطـــشــــان اخوان عاشوا صــحبة بارتـــياحي وارتاحت الكلمه بأوزان فنان وشلون ابانسي طــــيّباتٍ ملاحـــي اللي لهن بالقلب أشـعار وألحــان هن مترفـات الغيد بيضٍ وضـــاحي (سمر ملاحي) مزيّنات الزين بإحساس و إحسـان هن ملهمات العطر ولحظ الرماحي هن بهجة الأيام وعـقود مرجـان جعل القصيم الديم عند السراحي ... وهتانة الســحبان في أرضها الآن. ‫الشاعر خالد الجاسر قصيدة عنيزة‬‎ - YouTube [/SIZE] |
| الساعة الآن 11:47 AM |
Powered by vBulletin V3.8.11. Copyright ©2000 - 2026, Tranz By
YsOrI
اصحاب عرب
الحقوق محفوظة لشعراء عنيزة 2004-2022