شعراء عنيزة - أول المسرح ( طلال مداح رحمه الله

وقف في اول المسرح
وحط ايده على قلبه
واهدى القلب لاحبابه
وقف والناس بعيونه
وليل الحزن ياهدابه
وقف والليل يبكي له
وشمس العمر تغتابه
يصارع لحظة الترحال
وترحال العمر صابه

جلس في آخر اللحظات
وقال من العطش كلمات
وضم العود
نحيل العود
وحسّ العود بالرعشات
رمى صوته وسط موال
وغنىّ كلمتين ومـــال
كأن الريح بعيونه
وصمت العمر بشجونه
وفجأه والعيون براح
تداعى العندليب وطاح
بكى الكرسي
وناح العود
وليلٍ يمتلي بجراح
وداعا يا طلال مداح.

ماتقول لنا انسان
يغني من متاعبنا
حتى تعب قلبه
بسكوتنا
يصرخ بنا
تعب الكلام وتعبت انا
اغراب هذي دروبنا
والشمس عشق غروبنا
غنى لنا حتى بكى
ورد البساتين وشكى
ماخلصت القصه كلام
والعشق هوعشق وسلام
يا اول صوت علمني مواويلي
وآخر طيف اهداني مراسيلي
وغنّى حرقتي والصمت
ونادى ساعتي والوقت
سلامي كثر ما غنيت
عن الصحراء عن الوادي
عن الدمعه عن الشادي
وداعا والوداع وداع
يا عمرٍ في هوانا ضاع
سألنا الله يغفر لك
وجنان الخلد يكتب لك
ويرحم قلبك الملتاع
لانك قلب اطيب قلب
ووجهك نور ينبع حب
وداعا حب
وداعا قرب
وداعا يا رفيق الدرب.

شكرا للجميع ....