ظلك


أضحى النهــــار وصــرخة الحـرّ دوّت
ورمش العيون الســـود تدعي ســمـاهـا

عطــــشى الــــثواني بالمطــر ما تروّت
ولا ســـــقــاها ديم يلـثـم لمــــــــاهــــــــا

شفت اللهـــــــب بالضــــوّ لا من تلوّت
توقد حطــــب ضــلعــــين جفــت دمـــاها

حال المجــــــافي بالمـــــراثـي تقــــوّت
يبكي جــــنون الصــيف ويبكي ظمـــــــاها

من عاليٍ مختــــــــال وشـــلون هــوّت
طاحت كأن الوجــد ســـهمٍ رمـــــــــــاهـا

هـــــامت وحامت واســـــــتبانت ونوّت
تســقي جــــــنون الروح عينٍ تمــــــــاها

في خـــــافي المشــــتاق وشلون سوّت
خطت لها حرفين وشــــادت حــِــــمــــاها

عودي الى ظلك ترى الشـــمس ضـــوّت
دارك بــــراد القـــــلب والعــــذب مــاهــا

ما دام لي قلبٍ بلا صـــــــوت صــــوّت
يســــمح ويرضى والحــــميّا حـــــــماها.