شعراء عنيزة - بنت الأصول

لا تقيد النــــار في صـــدر الخــــلي
ومن هــــدوء العين لا تشعل ذهـــول
يا عـــــلي وش صار بعدي يا علي
كيف مات العشـق في وادي الطــلول
ما كفى زرياب لحن الموصـــــــلي
ولا درى مرتــــاب عن ظــلم الجـفــول
ليتــــــنا نرجع لمــــاضــــينا الخلي
او يعــود الفـــجر من ليــل يطــــول
قل لها قـــــلبين من صــــنع الولي
ينســـــجون الشــوق بخـيوط الذبـول
يا حـــنون القــــــلب حنّي واعـدلي
لو شكيت الوجد وانصــاف الحـلـول
اشــــربي نهر المحــــــبه واهمـلي
من عذوب الشـوق يا بنت الاصــول
واجمــعي معـــنى المحـبه وارسلي
واكتـبي حزنك على رمل الســــــهـول
وإجلسي وانسـي وقولي يا هـــــلي
عــذبة التحنـــــان عـــذّبها النحــــول
غربتينٍ للولـــــه جـــــارت عـــــلي
شـفـتها يا خـــــــل واطـيافك تجــول
إن وفيــــــتي يالحـــبيبه ما عــــلي
وان هجــرتي يا قريـــــبه وش اقـول؟