النسيم اللي تــحرك وانفتحلــــه بـــــابي=حرك اسكون القصيد وطاب طرقه لـيه
هزغصن القاف واشغل بالطرب دولابــي=ومابقى بالقلب غصن ما طرب شاديه
حاجه بالجاش هاجت واستحثت مابي=وابتدا نضح المعاني دون ســـابق نـــــيه
وياهجوسي عاونيني مبتدا هندابي=تل سبقك ياخيال و عــــــانق القافـــــيه
وهات عن خافي خفوق عاش عمره غابي=مانكشف مابه ولابه من قنص واديــــــه
ومن يحاول كشف سره جل جهده خابي=تاه بافجوج الغموض وصيهد السريه
ياهجوسي عاونيني زاد حمل اتعابي=لا متا والصمت بيده مهجتي ملويــــه
لا متا والصبر حملي والرجاء مشعابي=والدروب لمثل حالي مابها ماويـــــه
ياهجوسي عاونيني شاب راسي شابي=لامتا وانا انتظرها لحضة العانــــيه
عونيني قبل مانزل واخلي المرقابي=وان نزلت اموت يمكن قبل اجي عالـــــيه
ان نزلت وغبت ترقا سربة الأجنابي=واول كسور الصحابه نزلت الرامــــــيه
ومن تهاون في حقوقه ما هقاه ايثابي=مالقاه من التهاون غير حمو الكـــــيه
وين الوذ بكل حجمي عن وجيه اصحابي=وعن ملام اللي يلوم بدافع الغاريــــه
ويش عذري لسألوني كيف هان النــــابي=كيف اخلي راس رجمي وانزل الواطيـــــه
مرقبي وان ضقت يوم وذاق مر اعتابي=مانسيت سنين عمرا كنت انا خاويـــــه
وما عتليته بالوصاطه او حبات محابي=دافعنبه سهر ليل وعمر ذا تاليــــه
ومرخصله دم جوفي واحتراق اعصابي=وناقل له هم يصلا ضامري صالــــــيه
ومحتميه بسيف عمرو وهيبة الخطابي=ومقعدي له سرج غيدا ما تهاب الهــــيه
وان حصل دونه كسيره ماحتملت حصابي=مأحتملت كسور باسي ونكسار ايديـــه
كيف انا باقوى المواجه عقب كسر حرابي=ما على مثلي ملام ان هام بالداويـــه
وياهجوسي والقوافي توهن اشبابـــي=اظربي عمق المحيط وعودي شاطــــــيه
واشعلي نار القرحيه في حدود ادابـــي=ما عقب ذالليل ليل ينجم ســــــاريــــه
ويانديمي قوم دون ما خطر بكتابي=والحق الموضوع علما مستكن اهنيه
لو بغيت اخفيه مأقوى واهجه يصلابي=محرق معلوق جوفا طايله لاضــيه
وما نويت ابديه لينه ظرني واسوابي=قلت ابوحه واسترح ولو لحقني سيه
ويانديمي اكتبه بالله وانت ادرابـــي=وانت عارف كل شاره بالهواء مرميه
وانت خابر كل ما رمي وين هو مظرابي=ياتجي بالراس والا بندقي مثنــــيه
واكتب الله لا يبيحه ويش هو سوابي=الغرام اللي سجني في فضا الحريه
اول اليا غبت غبت ولو يطول اغيابي=ما يجي ذكر الرجوع ولانبي طاريه
لين جا كفي بكف الجادل الجذابي=قمت ادور لرجوع اسباب لو وهميه
وان هطل هتا ذكره فاح طيب ترابـي=وانتشر بفياض جوفي شاذي الحنيه
واستجبت لداعين بين الظلوع ينابي=وجيت مثل الطير طوع ان لاحله داعيه
او مجي اللي جواده بالمعاره كابــي=ومقتفيه اللي معيي عن قبول الديه
استحث اركاب شوقي للقا بأحبابـي=وما شغفني غير لين وشوفت البدريه
لواصد شوي عنهم لب قلبي ذابــي=والله اني مأتحمل غيبتي عصريـــــه
ومن يقول ان الغرام يموت قله هابـي=ما يموت الا غراما ميت راعــــــيه
او غرا منا صاحبه للمصلحه حبابــي=لاخذا المطلوب قفا وانحف ساقــــيه
ولا سقا الله هب ريح هز غصن اسبابي=انعسر غرياف قلبي وانبحث خافيه
وان كشف سري وعدا عن حدود اقرابي=وكل مخلوقن دري بالحاجه المخفيه
عقب ماني كنت اخفي ما معي باثيابي=قام يدري عن كنيني قاصي الطرقيه