ألفٍ : أولف من عجايب زماني = قافٍ يشوق مصرفين المعاني
ما دام لي شفٍ مثل بعيد وداني = ما جاء علي بالي نطق به لساني
البا : بديت القيل وأبديت ما أخفيت = أسباب مما شفت بالعين وأرّيت
يا ليتني مع سوق مستور ما جيت = رديت مقفي ما تعدى مكاني
التا : ترا ما جا على العبد مقسوم = خير وشره بين حجّاه مرسوم
لا شك ذا معطى وهاذاك محروم = وانا من التوفيق حظي رماني
الثا : ثبت عندي ولا به روايه = إن الهوى والحب سبّة عموايه
لا واعناي من الهوى واعنايه = بالصاحب اللي قل شوفه براني
الجا : جحدت الحب والحب غربال = جرحه غميقٍ وجارح الحب سلال
والناس ما يدرون وش علة الحال = وانا جروحي من صخيف المثاني
الحا : حرمني لذة النوم فرقاه = الصاحب اللي حملن حملٍ ما أقواه
يا ليت كلٍ ساكرٍ ماه بلزاه = ولا عنيت لصاحبٍ ما عناني
الخا : خفيف الدم قصده يجازين = عمّا مضى من عشرته يوم هو زين
واليوم يوم العين قرنت على العين = جازان بالسيّات عقب الحساني
الدا : دريت بغايته وش مرامه = عرفت مقصوده بلهجة كلامه
يبين أجر النوح مثل الحمامه = وأجاوب الورقا بجر الغواني
الذال : ذابحني بهمّه وكيده = همّه كبير وكل يومٍ يزيده
اللي طعونه بالضماير جديده = له مخطرٍ بالكبد حرّه كواني
الرا : ربيع القلب ذكره وشوفه = حتى أيش لو طالٍ من أجله كلوفه
أبا أتصبّر كودي أجلي الحسوفه = وأبرد غليلي من غصين اللياني
الزا :.... زريف الطول .... = لا بالقصير ولا دقاقٍ طويله
لا واعذابي من طويل الجديله = جدّد كوايا بالضلوع اىلمحاني
السا : سهوم الحب ما هي خقيّه = دايم صويب الحب عينه شقيّه
لو قلت ما به علته باطنيه = كنه عضيض الغلث والحيل واني
الشين : شوفي له عذابٍ بلا خير = حيّر قدم رجلي عن السير لاسير
والكبد عسكر به ثلاثة مسامير = ولا احدٍ يقول أخطيت يا مودماني
الصا : صواب الحب خطرٍ على الروح = جرحه جرح روحي وأنا قبل مجروح
يا قاتل المغرم ترا ما انت مسموح = تركض على ذبحي عيانٍ بياني
الضاد : ضدي ما يسوي سواياك = يرمي على همش الخبر بس منّاك
وإلا أنت جارحني بحبك وبلواك = ليت الولي في عشرتك ما بلاني
الطا : طويت الياس من شفت خلي = لا هوب جافيني ولا صافيٍ لي
وأنا اعتذرت من الدلع والتغلّي = يكفين من طرد الهوى ما وطاني
الظا : ظروف الوقت ترمي باهلها = طاوعت عينٍ مغرمه في عملها
ايام روحي داويه في جهلها = واليوم عنّيت الفرس بالعناني
العا : عذلت النفس من عشرة الناس = ما شفت من طرد المقفين نوماس
من لا يسيّس قصر حبه على ساس = لا بد ما ياقع رفيع المباني
الغين : غبت وغاب عني خياله = ما عاد يطري لي غلاه ودلاله
كلٍ يبي يمشي على شف باله = لا صار ما شانه يوافق لشاني
الفا : فضحني بالتردد ولا فاد = همي عليه الرجل سرداد مرداد
من عند بابه مير حتى ايش وش عاد = لا صار مالي من نمى البردقاني
القاف : قلت من التردد بلا فود = عيبٍ ومما يلحق الرجل منقود
واللي يعرف النقص ويثمن الزود = يصبر على حد القسا واللياني
الكا : كفاني ما فجاني وعنّان = من عشرة اللي عقب عرفه تناسان
خان الزمان وبدّل الود هجران = والعلم لو إن تجهله ما خفاني
اللام : لومي عقب ما أقفيت منّه = كاني على فرقاه جريت ونّه
يا لعن ابو قلبٍ الى اقفى يحنّه = لا من بني عمي ولا من عواني
الميم : مالي عقب شفت الممله = ارضى لنفسي بالعنا والمذله
لانصكّ بابٍ يفتح الله محله = لا أقفى شهر شعبان هلّ إرمضاني
النون : نامت وأسفهلت عيوني = طويت ياسي واستراحت أشطوني
ما قول واعزاه لا واغبوني = حقٍ علي أجفى وليفٍ جفاني
الوا : وسيع العرف ينكس الى شاف = صد وجفا ومظاهرة غير مجناف
يا قلبي اللي من عنا الوقت ينلاف = أصفح الى شفت الدهر قلّباني
الها : هني اللي مريحٍ ومبسوط = ولا عذاب الحب شوطٍ باثر شوط
دام الهوى يا هل الموده هوى نوط = ما ظنتي عشرة تشد الثماني
اليا : يعين الله على العدل والميل = عبدٍ عذر وأعذر من القول والقيل
يا رب حسن الخاتمه والتساهيل = وإنك على درب الصلاح تهداني
تمت وصلوا عد مختلف الازهار = على النبي الهاشمي سيد الابرار
وآله وصحبه عد ما هبّ وإندار = نسم الهوا شرق وشمال ويماني

عزّيلكم يا هل الكبود المعاطيـش=تولّجوكـم ناشفـيـن الكـبـود
تولّجوكـم بالعيـن البخاشـيـش=فطس الخشوم اللي سواة القـرود
قالوا تعيش بها البلد قلت ما اعيش=أعيش في ديرة صلايب جدودي
لي ديرة ما تنكر الملح والعيـش=له مطرح بيـن الجبـل والنفـود
وين الرجال اللي يروسه نغاميش=راحت ثعالب والفهود القـرودي
دار سكنها الفار والهيس درويش=خلّه لهـم والحـق لازم يعـودي
والله يالولا اللي ليا هاش ما هيش=سيف السعود مطهّريـن الحـدود
اني لبيّن لك مصير ابرق الريش=ذ اك الدّ خيل المستهيـن الحقـود
يوم انت تامرنا وتنهى على ويش=منتب سعودي يا لعين الجـدودي

البارحـه عينـي بسـجـة كـراهـا = شافـت مـن الخـلان خـلٍ براهـا
وانـا بنومـي مـا رقـدت بحراهـا = لا شك ما يجري على العبـد مقسـوم
مقسوم ما يجري علـى المودمانـي = مـن خيـر والا شـر والا حسانـي
يالله يـا قالـب صـروف الزمـانـي = يا مـدرج الايـام ليـلٍ باثـر يـوم
تفـرج لعبـدٍ ذيّـره عـن منـامـه = غـروٍ شعفنـي قبـل أميّـز مرامـه
قلت الخبـر قـال المـرد السلامـه = انا ومثلـي مـا يذيّـر عـن النـوم
قلـت بهجـاد الليـل مثـل الفجيعـه = شعفـت قلبـي يـا غـزال الوريعـه
مـا ادري سواتـك كيـد والا طبيعـه = عزالله إنك ما معـك حـق واسلـوم
قال إنتبه يـا نيـم هرجـك خذاريـف = بالله قـم عطنـي دقـاق السواليـف
ترا الهوى بي شعّف القلـب تشعيـف = ملزوم هيّا شف لـي الـراي ملـزوم
لا قلت يا شمس الضحى وش معنيّـك = عسى البخت يا هافي الوسط حاديـك
لا شك مـا ظنـي تبينـن ولا آ بيـك = أنا ومثلي منـك يـا زيـن محـروم
قالـت عنيـت بـراي وآل المقاديـر = يمك كما إنك يا حمد من هـل الخيـر
وانا عـروسٍ مـن خيـار الغناديـر = شف لي على رايك من الربع شغموم
قـادر ونـادر بالمراجـل وبالـديـن = عزيـز نفـسٍ مـا ضـرا للدباعيـن
ضارٍ على الشدات والعسـر والليـن = بالمرجلـه رجـال والفعـل صيـروم
قمت أتوجس لـه ببعـض الحمايـل = اللـي لهـم بمسبّـقـات الفعـايـل
والناس واجد مير مـا مـن صمايـل = وين الذي نزهٍ مـن الشـوم واللـوم
طاح السهم وريت " علـي الزنيـدي " = ذيـبٍ ولـد ذيـبٍ ورايـه سـديـدي
قالـت لـو إنـه شاعـرٍ بالقصيـدي = شاورت روحي قبل أجيله على السوم
هذا " ولد مطلق " مـزوحٍ إعجوبـي = يبهج ضميرك يـا سهيـل الجنوبـي
قالـت نعـم بـه عـدّ زال الهبوبـي = لا شـك دوّر غيـر والسـد مكتـوم
يـا بنـت هـذا عمـدة القيصـريـه" = ابن شقير " إن كان لك بـه دعيـه
قالـت أنـا مانـي عليـه الهـويـه = واللي تريد النفس مـا جابـه الـروم
هذا مـن الجيـران راعـي صغيـره = شوري عليك إخذيه مـا لـك بغيـره
قالـت أنـا بالنـاس مانـي غريـره = ماهوب زين جروم وإبشوت وإهـدوم
يا بنت كـان إن للرجاجيـل ميـزان = ما شوف لك غير " الرميحي سليمان "
حامي ورى الساقه بروغات الاذهـان = قالت نعم لا شـك مـا كـان معلـوم
وأخوه " عبـدالله " بعـد مـا تبينـه = اللي يحـوش الطايلـه فـي يمينـه
قالت انـا دينـي علـى غيـر دينـه = ماريد انا من قوم والشوق من قـوم
هذا " الشبيلي " من خيـار الجماعـه = رجل الشهامـه والكـرم والشجاعـه
قالـت ولـد صالـح طويـلٍ ذراعـه = وأخاف سالـم مـا يوافـق لسلّـوم
هذا " ولـد جابـر" شجـاعٍ سنافـي = حلمـه وعلمـه بالمواجيـب وافـي
قالت نعـم والجـو ماهـوب صافـي = أخاف يطرحني والى طحت مـا قـوم
يا بنـت رايـك " بالزنيـدي محمـد " = من عرفتي لـه بالخطـا مـا تعمّـد
قالـت نعـم والعلـم خلـه مجـمّـد = ما اقـول بالاجـواد ظالـم ومظلـوم
يـا بنـت ويـن الله بشـرك بلانـي = مالي ومالـك يـا رهيـف الثمانـي
تقـول مـا بالنـاس رجـلٍ هجانـي = وش في يدي يا مردوع الخـد برقـوم
قالـت تحمّـل وأحتمـل للمصـايـب = لعل بـك مـا يصبـح الظـن خايـب
ما شوف غيرك يا عطيـب الضرايـب = تحفي لي النشده عسى ابوك مرحـوم
يا بنت شوري وأقبلي منـي الشـور = ما شوف غير اللي وقف عنده الـدور
" عبدالله الدّواي " نـورٍ علـى نـور = سيم الخيـاره بيـن حجّـاه مرسـوم
قالت لقيت اللـي بـرا الحـال حبـه = أبـو سليّـم جـرح قلبـي وطـبّـه
الله ولـي النـاس ربــي وربــه = أبيـه يجمـع بيننـا دايـم الــدوم
ما عاد لـي بالنـاس قصـدٍ وغايـه = الحمـد لله يــوم جـانـي منـايـه
يالله يالمـولـى علـيـك الهـدايـه = يا كاشف الضيقات عن كـل مضيـوم
تمت وصلوا عـد مـا طـاف طايـف = بالبيـت راجٍ مـن وليـه وخـايـف
وعداد ما ذعذع من الريـح صايـف = على النبي ما حلتـم الرعـد بغيـوم