شعراء عنيزة - سوالـــــــــــــــف نشـــــــــامى (( 2 ))

سوالف نشامى

هذه القصة من القصص التي تدل على الوفاء بحقوق الجار . . وهي جرت على الشاعر الكبير محمد ناصر بن صقر

السياري والشاعر الكبير سويلم العلي السهلي رحمهما الله، حيث كان بينهما صداقة قوية وعلاقة طيبة، حيث كان

الشاعر محمد السياري ساكناً في بلدة ضرما وسويلم العلي نازلٍ ببيته بجوار نخل السياري وكل منهما يزور

الثاني ويجتمعان على القهوة ويتبادلان السوالف والأشعار . . وفي يوم من الأيام سافر سويلم العلي إلى الكويت . .

فتذكر الشاعر السياري صديقه سويلم وتذكر منادمته وقال هذه الأبيات:-

يامحلا المسيار في وقت حله =يم الرفيق اللي يعزك اليا جيت
يفرح الى منك دخلت بمحله =ويكره اليا منك تغربت وابطيت
يابو محمد كل مافات خله =واحكم على الحاضر بجمعا وتشتيت
وان صابك الحق المصيب انضغن له =واصبر على الكايد اليا منك ابليت
واصحى تورى الناس بعض المذله =وخلك على صكات الايام عفريت

وعندما حضر سويلم السهلي من سفره من الكويت سير للسلام على صديقه السياري وإذا هو مسجل الأبيات

بالمسجل ولما دارت القهوة وكلٍ اخذ اخبار الآخر سمع سويلم الأبيات فأجابه سويلم العلي بالأبيات الآتية:-

قال الذي لاقال قيلٍ فطن له =يبخص مجارى سوق بيتٍ ورا بيت
حرصٍ على بنية معانيه كله =يخاف من قولة قصرت وتعديت
يبي ليا قام المسجل يهله =يطرب له اللي يستمع مثل ما اوحيت
بيوتٍ مسجله محمد لعله =دايم بخير ويكسب المجد والصيت
ابن صقر له مجلسٍ ما تمله =منصا لخطلان اليدين العناتيت
كم كبش مصلاح يجي به يتله =وعندي على هذا شهادة وتثبيت
يابو فهد مافات وازين دله =عصر تمنوه الرجال وتمنيت
فيه الشباب وفيه لذه بحله =وهيبه وبه نوماس لاقبلت واقفيت
واما من الحق المصيب ارتحل له =لاجل المصيب مصيب لو منه جضيت
هذا زمانٍ فيه جيلٍ تمله =جهلٍ وزود وخوف لاصبحت وامسيت
ماقل دل وباقي القيل خله =شرحٍ يطول الى حرصت وتقصيت

وإلى اللقاء مع سالفة أخرى، ولكم تحياتي ، ، ،

جريدة الجزيرة
مدارات شعبية

محبكم
ابوسحر