شعراء عنيزة - ثنائيات من شعر النساء

مبغا انا اسمع منك مدري وبعدين =ترديدها ماعاد له أي قيمة
عليك دين وحل ياراعي الدين=ان ماوفيت الدين هاذي جريمة

أم بدر

آه واعز تالي من فراق الحبيب=والهواجيس من سبة جفا نور عيني
اتصبر وجرح الحب فيني عطيب =وليت خلي درى بالي من أجله يجيني

م.ع-الشرقية الخبر

واحسرتي والوعتي واشقا الحال=من صاحب قلبي بنى بيت
وهو الوحيد اللي قدر يشغل البال=وعن شوف غيره مالمخاليق صديت

مشاعل عبدالله

شوفك ياروح الروح جدد عذابي=والحب ماداواه طب المداوي
بيني وبينك لايطول الغيابي =قلبي على فراقك ماهوب قاوي

لولو عبدالرحمن

حظ عجز عنك ماحاشك =نفسي من أيام قاهرها
ياليت من بالعمر ناشك =جروحي خطيرة ومخطرها

غديــــر

لي مدة بالنوم انا ماتهنيت =هاجت على قلب الخطا ذكرياتي
ويوم أرقدوا كل المخاليق ونيت=ونه على اللي فاتني في حباتي

ورده

محبكم
ابوسحر