هذي عنيزة ما نبيعه بالزهيد / علي الخياط
قال الشاعر : علي بن رشيد الخيّـاط ( راعي البندق ) يفتخر بأهل عنيزة ورجالها سنة 1270هـ
يادارنا لا ترهبي يومك سعيد=حنا حمـاة الدار ..وشـبّ اشـعالها هذي عنيـزة ما نبيعة بالزهيد= لافرّعـنّ البيض نحمى جالهـــا دونه ودون الغيد مخضــر الجريد= نروي من الضد الحريب سلالها يا مـا ذبحنا دون غضّــاتٍ تميد= جنايز ترمى ولا احدٍ شـالها لو جبت عنّاز وشمّـر و الرشيد=ونجـدٍ جميعه دقّــها وجــلالها جبته وخلّـيته كما حلـقة حديد=شرق وجنوب وغربـها وشمـالـها الدار دونه لا بــةٍ تحمى الطريد=صعب على كل العدا منوالها كم سـابق يـوم اللقا جريه يزيد=عاد اتنا ضربه وضرب امثـالـها تاطا حديد وفوق راكبها حديـد=تـوطّـته مركوبته بنــعـالـها عيّـنت وين الجـرو تكفى لا تحـيد=قل لي تعـشّـته الضّـرا وعـيالها ياشيخ ياللي ما نشا مثلك وليد=لا رفّـعـنّ الخيل شهب اذيـالـها الشيخ مثلك مـا يحايد من بعـيد=يارد على دارٍ بـكوا نـزّا لها لي بندق ترمي الـلّـحم لوهـو بعيد=ما وقّـفت با لسوق مع د لاّلها خمسٍ رصاصهْ سـتّـة اشبارٍ تـزيـد=ملح الجريف محـيـّلٍ يعبــا لهـا ربعي هل الطولات والباس الشديـد=خـطرٍ عـزايـمهـا تهدّ جبالهـا اولا د علي هم عمى عين الضديــد=عقّــالـها يوم الوغى جهّـالهـا وان كان تبغى الراي والحكم السديد=ادحم على الديرة وحضّـب جا لـها قطع النخل مهـوب عيب والوقيد=العيب با للي ما تتــمّ اقــوا لـهـا الله يجـازي كل جـبّـار عنـيد =منّـا ومنـكم يوم عرض اعـمـا لها |
قال الشاعر : علي بن رشيد الخيّـاط
( راعي البندق ) يفتخر بأهل عنيزة ورجالها سنة 1270هـ ................................ يـادارنــا لا تـرهـبـي يـومــك سـعـيـد حنـا حمـاة الــدار ..وشــبّ اشعالـهـا هــذي عنـيـزة مــا نبـيـعـة بالـزهـيـد لافـرّعــنّ الـبـيـض نـحـمــى جـالـهــا دونــه ودون الغـيـد مـخـضـر الـجـريـد نـروي مــن الـضـد الحـريـب سلالـهـا يــا مـــا ذبـحـنـا دون غـضّــاتٍ تـمـيـد جـنـايــز تــرمــى ولا احــــدٍ شـالـهــا لــو جـبـت عـنّـاز وشـمّـر و الـرشـيـد ونــجــدٍ جـمـيـعـه دقّــهــا وجـلالـهــا جبـتـه وخلّيـتـه كـمـا حلـقـة حـديــد شــرق وجـنـوب وغربـهـا وشمـالـهـا الــدار دونــه لا بــةٍ تحـمـى الـطـريـد صـعـب عـلـى كـــل الـعــدا منـوالـهـا كـم سابـق يــوم اللـقـا جـريـه يـزيـد عــاد اتـنــا ضـربــه وضـــرب امثـالـهـا تـاطـا حـديـد وفــوق راكـبـهـا حـديــد تــوطّــتـــه مــركــوبــتــه بـنـعــالــهــا عيّنـت ويــن الـجـرو تكـفـى لا تحـيـد قــل لــي تعشّـتـه الـضّــرا وعيـالـهـا ياشيـخ ياللـي مـا نشـا مثلـك ولـيـد لا رفّـعــنّ الـخـيـل شـهــب اذيـالـهــا الشيـخ مثلـك مـا يحـايـد مــن بعـيـد يـــارد عــلــى دارٍ بــكــوا نــــزّا لــهــا لـي بنـدق ترمـي اللّحـم لوهـو بعيـد مـا وقّـفـت بــا لـسـوق مــع د لاّلـهـا خمـسٍ رصاصـهْ سـتّـة اشـبـارٍ تـزيـد مـلــح الـجـريـف مـحـيّـلٍ يـعـبـا لـهــا ربعي هل الطولات والبـاس الشديـد خــطــرٍ عـزايـمـهــا تــهـــدّ جـبـالـهــا اولا د علي هم عمـى عيـن الضديـد عـقّـالـهـا يــــوم الــوغــى جـهّـالـهــا وان كان تبغى الراي والحكم السديد ادحـم علـى الديـرة وحضّـب جـا لهـا قطـع النخـل مـهـوب عـيـب والوقـيـد العيـب بــا لـلـي مــا تـتـمّ اقــوا لـهـا الله يــجــازي كــــل جــبّـــار عـنــيــد منّـا ومنـكـم يــوم عــرض اعـمـا لـهـا |
| الساعة الآن 02:53 AM |
Powered by vBulletin V3.8.11. Copyright ©2000 - 2025, Tranz By
YsOrI
اصحاب عرب
الحقوق محفوظة لشعراء عنيزة 2004-2024