شعراء عنيزة - ياسهيل ودعت الأهل والقرايب

كتب الزميل KFAA في مجلس عنيزة ما يلي :

اقتباس:

المشاركة الأصلية كتبت بواسطة KFAA (المشاركة 491118)

بسم الله الرحمن الرحيم

يقول الشاعر عبد العزيز بن ابراهيم الجمعي :

في صباح يو الأثنين الموافق 21/3/1428 وعند مدرسة تحفيظ القرآن الأبتدائية فجعنا بوفاة الطفل سهيل الفوزان

أثر حادث آليم . هز المشاعر وتألمت منه القلوب.

وصلي على الطفل سهيل رحمه الله عصراً في الجامع الكبير بعنيزة .

وحضر جمع غفير من الناس للمقبرة وكانو متأثرين بهذه الفجيعة .

نسأل الله أن يجبرمصيبة أهله ويخلف عليهم ويجعله شفيعاً لهم .

ومع هذا الحادث المؤلم تحرك الشعور الأبوي فكانت هذه القصيدة المتواضعة أمام هذا المشهد المؤلم

يالله ياجبار كسر المصايب=أجبر عزى الأحباب بغياب الأحباب
وأخلف عليهم ياجزيل الوهايب=واشفع لهم باللي عن عيونهم غاب
العمر سبع سنين ماهوب شايب=العمر سبع سنين محسوبه حساب
ياسهيل ودعت الأهل والقرايب=ودعتهم توديع يهيل الألباب
ودعتهم توديع غايب لغايب=توديع منه القلب خايف ومرتاب
كنك عرفت انك تودع حبايب=توديع منه القلب ياسهيلنا ذاب*
حل القدر ياسهيل حط الركايب=الصبح عند المدرسة تقل بواب
وأبوك من وداك فوق النجايب=ما جاب لك سواق من دار الأجناب
لكنها الأقدار تفعل عجايب=الله لا يتكل على فعل الأسباب
والعصر هلينا عليك الترايب=والدمع هل من الحبايب والأحباب
يالله ياللي يرتجى بالنوايب=تجبر عزانا والرجاء فيك ماخاب

*يقول ابو ابراهيم ان الطفل سهيل ودع ابيه توديع حاراً جداً قبل نزوله من سيارة ابيه وكأنه حس بدنو منيته

اللهم ارحمه والهم اهله وذويه الصبر والسلوان .إنا لله و إنا إليه راجعون