ياغايبٍ شخصك ولاغاب لك طيف=الشاهد الله كنك اقبال عيني
ياليت من شافك ولو بالتصاديف=لاصار مالك موعدٍ به تبيني
كم واحدٍ ضاع الرجاء فيه ماشيف=جابه ولى العرش بين اليديني
يالله ياللي في يديك التصاريف=تدري عن الخافي ومايستبيني
تعود لعيوني بشوف المواليف =اللي لهم بالقلب زاد الحنيني
قلبي عليهم قطَّعَتْه التحاسيف=يامن بعلم اصويحبٍ لي يجيني
قلبي يوده لو لقى منه تكليف=باغيه قلبي وان بغا لايبيني
يالزين مالك عن ذرى القلب تصريف=انت وغلاك ابخاطري ملتجي
وشلون ابلقى من مودَّتْك تخفيف=لاصرت في قلبي ونالك رهيني
اشكي واحبك غالي القلب ماعيف=مانيب لو تخطي بحبك ضنيني