هلا بالرمش والقذله وخد ٍّ كنه البلّور=رموش العين فوق الخد مثل امهدَّب الشيله
حيا من نور خده كلما بيَّن يغيب النور=تقول الكون بامر الله خدود الزين توضي له
طفا نور الجماعه يوم شرّف والجميع احضور=حلاتك ياصبيح الوجه من يهواك تاوي له
قلوب اهل الهوى ذابت وكم من خاطرٍ مكسور=على رجواك مانامت عيون اهل الهوى ليله
من اللي ياعرب يقوى يحل المشكله مشكور=الا يالله تلهم قلبي التدبير والحيله
انا فكري غدا مني وصرت اليوم دون اشعور=قضيت العمر بجهاد الهوى واكْبَر غرابيله
لو ان القلب من فرش الحصا ذابه طويل الجور=متى ماشال حده وانتهى فالزود يقضي له
أهّني واحدٍ قلبه مريح وخاطره مسرور=ينام الليل ماهوجس ولا له هم يطري له
ونا اللي طالني من دون شفّي بالحياة اقصور=جداي الدمع لاجاء الليل تغرقني هماليله