بديت ذكر الله علي كـل مـا طـرى = الواحـد المعبـود للخلـق ديـانـي
اللي قسـم رزق المخاليـق بينهـم = واميز(ن) بين المساوي والاحسانـي
واصلي علي المختار ما ربرب الطهى = وما يرزم الرعاد في غـر الامزانـي
نبي الهدى والرشد سـن الشريعـه = وهدم سنة الالحـاد عبـاد الاوثانـي
ومن بعدها يامن تسمـع نصيحتـي = افتح نظرك وخـل اذانـك توحانـي
لجل اني ابشرح من الوضع ما طرى = لعـل ذا ينفـع ويرسـخ بالاذهانـي
اشوف لي ناس(ن) علي غير متجـه = تدهـور الفاتـح وهـذاك عميانـي
ارى الاب ما يهتم فـي حالـة ابنـه = سوى ناجح(ن) مسعاه ولا فخسراني
الصبح يظهر مـن مكانـه وينتشـر = يكفيه دلهاتـه مـع افـلان وفلانـي
والابن في زفراة موج(ن)من الهوى = ولا فرق عنده بين صبح او مسياني
يرعـئ بنعمـة واحـد(ن) ممهلـه = يعطيه ويجازيه عن كـل مـا كانـي
واهمل فتيات(ن)علي حـد مستـوى = لهـن فالغـراة سجـه وميـدانـي
تغيـرت منهـن ظـروف الطبيعـه = علـى تقاليـد العجـم والمريكانـي
ولهن غرات(ن) تـزارق سهومهـا = ياقع بها اللي داخل القلب مرضانـي
وهو محمل(ن) ازرهن فوق عاتقـه = يلقى بيوم الحشر له نشـر ديوانـي
حق(ن) علي الرجال يحسن ولايتـه = العبد مسئـول وللاعمـال ميزانـي
يوم القيامه ويـش عـذره مـن الله = والخاتمه صيور عمر الفتـى فانـي