هلت العين من دمع تنثر = بالوجع كن عيني مستذيله
آه واونتي ونة مجبّر = ونة اللي تقلب طول ليله
قلبي اللي من الفرقا تجمر = واتزفر من البلوى الوحيله
قاله اللي على البلوى تصبر = ما له اليوم حي يلتجي له
من هوى اللي عن المربى تذير = قايد الريم صيد ينعني له
صابني بالهوى راع المشجر = قلبي اللي سهر من شوفتي له
ناقش الجيب والطوق المقمر = ليت منهو تلوى في شليله
اشقر وارد مثل المعذر = اوقنا المهدبه وقت تعديله
أودعن حاير ما قوى ولا اقدر = كل ما با اعتمد يرمين كيله
غصن موز عليه الماء تفجر = طاغيٍ بالثمر عجز يشيله
أول الغرس بثماره تبكر = طلعهن ينعش الروح العليله
دونه السور والمرقا توعر = غلق الباب والعقده طويله
كلما جيت اهوم الباب قدر = من خبر صاحب يرمي دخيله