يا حمام يجر الصوت صوت الندامه = يرفع الصوت ويجاوب حمام يغني
الحمامه الى ناحت تجاوب حمامه = والمولع من الفرقا ينوح ويوني
يا ابن غشام وان رحتوا لصوب العدامه = راح قلبي بثركم حافي ومتعني
والله اني فلا اقف لو عليه ملامه = ما يفرج عن المضيوم كثر التمني
خيرة العمر لو قالوا لك الناس خامه = ما رجيت العصور اللي مضن يرجعني
اقهر النفس والمقهور يسري هيامه = مع نجوم سرت يم المغيب ادبحني
صوب دار سقاه من الروايح غمامه = لين هاك العروق الباليه يرتوني
يضحك الرقم والحوذان بسهال رامه = راجح بالطفل غض الزهر وامتثني
كن ريحة شمومه يوم فلل كمامه = ريحة المسك مع ريح الهبايب يخني
اقبل الصيد يتلي بارق من تهامه = يتبع الريف وبروق الحيا ما توني
صوب وسمية بين الخنق والنعامه = دون واد النسا من فوق غرس زمني
في بلاد الرخا والكيف دار السلامه = ديرة المستريح اللي ينام متهني
كم صبي تمناها ولا ادرك مرامه = ادرك الكود واسباب الردى يجرحني
آه واقلبي اللي يصتفق به غرامه = مثل سفن بغبات البحر يسبحني
عرضة الزين تخلف لابسين العمامه = يا قوي السبب بهداك لا تمتحني
يوم أعشق الهوى من شان مرخي لثامه = جزت عشرين عام ولا بعد جاز مني
ويش أسوي بحظٍ ما تشيله عظامه = لام من لام ميلافٍ تذكر وحني