سرى بارق جنح الدجى بالحيا مامور = اترفرف بروق معقرب بالدجى ساري
تنهض من الريعان نوه عطى بحدور = يسوقه عظيم الشان في دبرة الباري
اغشى سيله الوادي وحدر يمين القور = تخيل الخباري صافيٍ نقعها الجاري
مرابي خشوف عقب خبري غدن بحور = تدش السفينه ما لمس زورها العاري
الا يا غزال فيه ملح الهوى منثور = الى قلت كم البيع ما ناسب الشاري
وانا فيه مثل مصخر شال حمل الجور = وهو يا سعد مهوب عن علتي داري
غزاني بنجله يوم ضف الهدب بفتور = احسبه يلاعبني وهو قصده يماري
الا يا جريح صوبنه بنات الحور = براه الهوى بري القلم في يد الباري
تصبرت واثر الصبر ما يبعد المحذور = يهب الهبوب وينكس التبن للذاري