الى بيتي الاول

وحبي الاول

الى امي

اجمل زهور الروض

واغلى ما في الوجود

سلامتك يا فرحة القلب والروح=لاباس يا بهجة ضيا العين لاباس
الله كريم يكشف الباس وتروح=عنك الهموم.. وتنجلي غيمة الياس
يمه.. الى طبتي طابت بي جروح=في قلبي اللي من العنا صار محتاس
يسلم لنا قلب على الدوم مفتوح=نشكي على قلب رقيق وحساس
بشورك ورايك كل خير ومصلوح=حنان قلبك ماله احدود وقياس
ممدوح فيك الطيب والجود ممدوح=انت لنا.. قدوة وعز ونبراس
انت لنا نبع وبسمات وفروح=وفيٍ.. تذعذع فيه هبات نسناس
يا اغلى الغوالي.. يا عطر ورد يفوح=حبك حياة وتاج يزها .. به الراس