خذ من سهر عيني وعطني من النـوم=خـلـك تــذوق وتطـعـم الـنـوم عـيـنـي
خلـك تـذوق مـن العنـا بـس لـو يــوم=تـرحـم مـحـبٍ عـايـشٍ بـــه سنـيـنـي
طال العناء بـي ماحصـل منـك مقسـوم=ولا صـخــف قـلـبـك لـقـلـبٍ حـزيـنـي
عمـري قضيتـه بيـن سجـات وحـلـوم=وخيـط الرجـاء عـيـا بوصـلـك يبيـنـي
كنـك علـى قربـك مـع النـاس مـعـدوم=قــريــب دار وكــــم بـيـنــك وبـيـنــي
اعطف على اللي من عواطفك محروم=لــو بالعـمـر مــره يـهــون الحنـيـنـي
فـي نظـرٍة مـن عينـك القـلـب مـلـزوم=ضــاق بعـنـاه ولا لـقــا لـــه معـيـنـي
قلـبٍ وفـا لــك بالـهـوى دايــم الــدوم=مغليـك وش فـوق الـغـلا يــا ضنيـنـي
ماعـاف ممـا شـاف لــو قــال مظـلـوم=صابـر علـى هجـرك بـرجـوى تليـنـي

محبكم
ابوسحر