فَلّ الشعر هيّض شعوري وهزّه=ما أحلى شعرسيدي إلى صار مفلول
يعطيه منظر واختيال ورزّه=ومهابةٍ تغني عن الوصف والقول
وإلى انتثر من فوق متنه ولزّه=تناثرت كل المشاعر على طول
أموت وأحيا به وأحبه وأعزّه=وأفديه في روحي ولو كان مجهول
زوله يباريني على كل حزّه=والقلب عن غيره مشمّع ومقفول
أفز له مليون فزّه وفزّه=والقلب بعيونه مولّع ومشغول
له في مزاج الروح كيفٍ ومزّه=وينعش حياتي منه دلٍّ ومدلول
راضيه لو حلقي بسيفه يحزّه=وهذي سلوم الحب .. قاتل ومقتول!