نبا الذيب يلعب ون تعذر يجي صاهود=وغير الثنين . ابليز . بردون . مابدي
نبا اللعب حامي كنه الملح والبارود=وانا قد ميقاف المعرفه وهو قدي

يهرج انجليزي ياماشاالله عليه حمود=وانا احسبه باولى صد من ضمن من صدي
اظنك تبي تاقع مثل وقعة النمرود=وهات العلوم اللي تبا واستلم ردي

اهرج إنجلش وانفض طبوق الدبر والدود=ولا قد نقص بالوقت صاعي ولا مدي
وياذيب جالك يومك الآخر الموعود=عليك البحر غضبان بالجزر والمدي

تراها لغه ماهيب لك والرجال شهود=قضى العمر بين الحرث والزرع والكدي
الى متً دون الحق عداني المنقود=وانا من وعيت العلم مامال بي شدي

صغيرٍ على الميدان يالحاشي المفرود=ولابد ما نبحث خفاياك لابدي
عليك الرسن واطغتك نفس الرهى والزود=وراس الجمل يمك بعين الغضب لدي

تراني ليا دارت رحاها قوي زنود=يوم ان ابن بادي ماخذا الحق متردي
تقوله عقب ماشفت علم الليال السود=وراس الجمل خله بمفلاك وتسدي