أنا بنشد من اللي قد قرا في عمـدة الأحكـام=يجيب إليا الخبر مازاد وإلا قاصـر ن دونـه
أبي حكم ن عن الحسـاد والكـذاب والنمـام=صفات أشخاص لكنه جمعها وسـط ماعونـه
أنا قـدّر لـي الله وإبتليـت براعـي الآثـام=عليه المظهر الطيـب ونيـه غيـر مامونـه
أخذ عمرته والحجه وهو بمكه بـدون حـرام=جنون ن فيه وإلا اللي عطته الديس مجنونـه
إبو وجهين دام إنه غني ن عنك طـار وحـام=وعليه تصير كنك دمه اللـي بداخـل سنونـه
وإلى منه بداله حاجة ن وأصبح هو المنظـام=من كروب الزمان الشين جاك يرقرق عيونـه
خبيث النفس ولو ينسب مايحسب على الإسلام=تسمى به ونفسه ما إرضخت للديـن ملعونـه
أدك بقلبه الماخوذ كـان إنـه فهـم مرسـام=وأخليها مثل من قـال قبلـي فيـه مدفونـه
تصير إنذار وإلا فيه جبت اللي تصير وشـام=على وجه الردي تكتب وكل النـاس يقرونـه
إلين أشوف وإلا أطلقت في راسه كروز و سام=صواريخ ن تصيب الراس بالتوجيه مضمونـه
أجيب إسمه وإسم جده وأنفذ فيه حكم إعـدام=أجز الراس بالفتوى ويستاهـل عـن متونـه
تموت بسمها الحيه ومن فوقه تسيـر أقـدام=على أهل العرف والعقّال ذبح الـداب ياهونـه
وأبركز شارة التوضيح لاماتت بسـود أعـلام=وأحددها من أطرف ذيلها لين أوصـل قرونـه
ترى ماجاه مني غير لمحـه والوعـد قـدام=يعاود وإن رغب مع ناس باعوبه ويشرونـه