اول ما نبداء باسم اللي . له نصوم وله نصلي=ماغير الله معبودٍ لي . سبحان الخلاٌق الهادي
ومن بعده يامرحب والله . يااميرتنا في هالطله=ياماشاالله ياماشاالله . عمى بعيون الحسادي
يامرحبا بالحوريه . شرفت حفل الكليه=شرفها رب البريه . نعمين ابنت الأجوادي
كل الخواطر مسروره . بقدوم الأميره نوره=مشكوره والله مشكوره . شكرٍ من صميم افوادي
حلٌت علينا السعاده . والطيب السموك عاده=ياسيده بنت الساده . أهل الوفاء والأمجادي
لبيتي دعوة حفلتنا . واستنارة كليتنا=والفرحه عمت ديرتنا . بارياح العنبر والكادي
كلية تمريض اعنيزه . في ظرف اسنينٍ وجيزه=ساهمت في خفض الفيزه . خرٌجت فوجٍ واعدادي
بناتنا منٌا فينا . نهنيهن ونهنينا=من فضل الله استغنينا . عن شوف الرايح والغادي
سعودياتٍ يعملن . من شان اهلهن واهلنا=عليهن معقود املنا . لرفعة نهضة ابلادي
اول كنا باحسن حاله . لاخمول ولا بطاله=كلٍ يعمل في مجاله . الحاضر من والبادي
واليوم اجهودٍ مبذوله . في عرض البلاد وطوله=السعوده همٌ الدوله . من شان الماضي ينعادي
وبحيل الله نستعيده . مع حكومتنا الرشيده=حنا نصٌار العقيده . من على عهد الأجدادي
تمت وصلى الرحمن . على النبي العدناني=ما هلت غر الأمزاني . من ماها واخضر الوادي