يقول اللي بدع قافه بحكـم الواقـع المعقـول=يجاهد بالله المعبـود بـه ميـلات الأزمانـي
بإسم ربه بدابه وإبتدى فـي مستهـل القـول=وهو مادل لو هو قل يكفي لـ.. أهل الأذهاني
أنا يوم أبدي الهرجه على ناس ن تجيب حلول=وأخفيها على ناس ن أخاف أعـداي تشنانـي
أنا من وين أبلقا لي رفيق ن مخلص ن مقلول=ويصفي لي ماهوب إن جار وقتي راح وخلاني
أبي خوة صفاوة قلب ماياخـذ مـن المنقـول=كريم ن حر نسل أحرار ومن فريس شجعانـي
أبي مثله يحل المسأله بالعرض وإلا الطـول=أبيه إن قال يفعـل ماتوانـى ذرب الأيمانـي
ألا ياوجودي وجـد رجـال ن قعـد مشلـول=وفيه كلاه والجلطه وهـو بالبيـت عميانـي
فقير ن راس ماله عند راسه جـرة المحلـول=طواه الجوع وإن هبّت شمال ن بات بردانـي
ولا له والي ن يغنيـه لاحامـل ولا محمـول=ولاأحـد ن زاره إلا واحـد ن مـازار ديانـي
ترى الدنيا على ثنتين بها المرفوض والمقبول=وعمر البوم ما فرّ خ لـراع البـوم شيهانـي
ترانـا ماخلطناهـا علـى عقالهـا بخبـول=له لسانه يجيب الراي ويـدرى زلـة لسانـي