مشغول خطك يا هوى البال مشغول = ودي بصوتك والنصيب اعترض لي
حتى كلامك من ردى الحظ ما نول = هـرج ٍ يسلي خاطري ما حصل لي
إلى متى درب المواصيل مقفول = بيني وبينك لا متى ذا التغلي
أنا جريحك دون حيله ولا حول = عـطـني حنانك مرة ٍ والتفـت لـي
حقي خيالك والتمني على الطول = وشلون محروم الهوى يسفهـلـِّي
قلبي بطيفك طول الأيام منزول = تبعـد وطيفـك بالـحـشــا مستـظـلـِّي
ليت الهوى يمسي من القلب معزول = القى ضميري عن هواك امتخلـّي
لا صار عندك جاير الحب مجهول = قلبك مـريـح ٍ والنكايد صفت لـي
الله على يـوم ٍ يجي منك بسـهـول = أمـلا نظـر عـيني بشوفـك واهـلـّي
عـقـب التجافـي منك حـول ٍ ورى حـول= القـى معك عمـر ٍغـدا ضـايع ٍ لـي