العميم والكريدا والبادي
الكريدا سلامــي رديــه وفيـــه واللـــــــي حضرنا يا هنيه = ونريض المعنــــــــى شويه ياليل ياليل السهارى البادي يا مرحبا وانت المفوض ياراعي الغوج المروض = ذي ليلة مـــا تـنـتـــــعوض ياليل ياليل السهارى العميم يا مرحبا من قلب صافي والليلة الــدعوى عوافي = نعطيك مـــد الكيل وافــــــي ياليل ياليل السهارى الكريدا ابو عزيـــز جاب خالــــــه مدري عداله من مياله = عما جـــــرا مانيب دالـــــــه ياليل ياليل السهارى البادي يابو محمد ويش صابك فــــــي وجهنا صكيت بابك = ليتك تـــراجع فـــــي حسابك ياليل ياليل السهارى العميم يا ذا العمى وش جاك مني ياللي بصوتك لي تغني = وانا احسب انك قبل فنــــــي ياليل ياليل السهارى الكريدا ياللــــــي تصوت للخلايق وتقول انا بالحيل ضايق = ان كان فـتشـــنا الحقايــــــق ياليل ياليل السهارى البادي اثري العمى ماهوب هين وانا احسبه عقبي مدين = البارحـــــــه ويش هو مزين ياليل ياليل السهارى العميم صالح معه شـــي بجوفــه تضايقت عنده ظروفه = يبــــي عسى ماحـــد يشوفـــــه ياليل ياليل السهارى الكريدا حنا علـــى ظهر السفينه والعلم مــــا بيني وبينه = وان كان شغلـــت المكينـــــــه ياليل ياليل السهارى البادي الله ختـــــــم قلبك وعينك مرت وطافت مع يمينك = والمقبلـــه ربــــــي يعينــــــك ياليل ياليل السهارى العميم الــــرجل ياخذ في ذراعه ويصير قيدوم الشجاعه = ولا يجـــــي درب الـــدنـــــاعه ياليل ياليل السهارى الكريدا ياللــــي كليت الـــزاد عنا بيض الليالـــــي عوضنا = واللــــي شحنكــم مــــا شحنا ياليل ياليل السهارى البادي والله لاردك مـــا تذوقــــه يحرس وعين الله فـــوقه = والغصن يشرب مع عروقه ياليل ياليل السهارى العميم ياللــــي تحلبون الجــــراده مــا تطعمون امن القراده = والله بصيــر فـــــي عباده ياليل ياليل السهارى الكريدا يـــا ذا الرجاجيل الشهودي خصمي بدا نقصه بزودي = والبيت ينصب له عمودي ياليل ياليل السهارى البادي يـا ناس يــا كــــود المعرفه شوفوا لهالـــرجال صرفه = قدام عن دربــــه نحرفه ياليل ياليل السهارى العميم ياللــــي كميت العلــــم كله علــّم وكل فــــي محلـــــــه = والسيف له رجــل يسله ياليل ياليل السهارى الكريدا يــاهيه انا مانيب خايف قبل امس صار الجـــــو طايف = وان كان عدينا النوايف ياليل ياليل السهارى البادي اخاف من دعوى تصيبك يحتار فــي جـــرحك طبيـبــك = راقب ترا المولى رقيبك ياليل ياليل السهارى العميم وان كان هي راحت نخاوي منتب على الشدات قاوي = يصبح عليك الجو عاوي ياليل ياليل السهارى الكريدا الطـــــرق شاب ولا نريــــــــده شوفوا لنا شيله جديده = معكم ليالينا سعيــــــــده ياليل ياليل السهارى |
| الساعة الآن 10:03 PM |
Powered by vBulletin V3.8.11. Copyright ©2000 - 2025, Tranz By
YsOrI
اصحاب عرب
الحقوق محفوظة لشعراء عنيزة 2004-2024