الا يـاالله ياعالـم وشايـف = بحال قلوب ضمتها النحايـف
تشيل هموم ما حي ٍدرابـه = ماهيب هموم عشاق وولايف
انا خوفي من اللي يحترينـي = الى جتنا طويلات الصحايـف
اخاف اني تكاثـرت بذنوبـي = ذنوبٍ ماتحملها النوايـف
اخاف انـك تعذبنـي بذنبـي = بوقتٍ ما تنجينا الحسايف
انا مانيـب معـذوره ولكـن = ابي منك العفو يوم الكلايـف
وابي سترك الى جينا عرايـا = و انا ثيابي قصيرات وكسايف
إلهي وانت يا عالـم بحالـي = بعد ماصرت للـذات عايـف
آلهي جيت يا راحـم عبيـدك = بثوب الذل ودموعي ذرايـف
سألتك لا ترد اللـي عنا لـك = على بابك توجه لك وخايـف