كان ودك تسأل القلب الجريح=وعن غرامٍ سيرته بالطيب فاح
جاك علمي والسبب علم ٍ صحيح=لي غرام ٍ ساكنن وادي الجناح
يومه اصغيِّر وانا عنده طريح=طفلةٍ مالي عذول ولا ســلاح
يومه برجله يخطرف لي واطيح=قلت له: طيحتني والقلب طاح
قال: بسم الله على ساق المليح=قلت: بسم الله على طير الفلاح
ثم نهضني في يِدَه وانا اصيح=جتني امي جاذبه صوت الصياح
قلت: يمه هالولد ماهو مريح=قال: والله نيتي لعب ومِزاح
قلت:هين ! ياولد خلك صريح=قصدكم ماهو سليم ولا مباح
ثم طالعني وفي صدره فحيح!=قال تظلمني عساها لصَّلاااح !
قلت: لا تكذب ! وخلك مستريح=قال: قلبي في هواكم ما ستراح
مانسينا (فزعته) هبـَّـاب ريح=يوم يسرق لعبتي وِلد الرباح
ياسقاالله عشرة القلب الجريح=والغرام اللي سكن(وادي الجناح)