دموع جرح الخيانه
كتبت أبين شي مخفي ومكشوف = تخفيه عني وأنكشف في أوانه ماعاد تقنعني معــاذير وظروف = ياللي خطيت وصارعذرك ميانه مبطي جرحت القلب وعيوني تشوف = واليوم اشوفك تتركه بأستهـــانه! تركتني والليل مـــظـلم ومكسوف = ما غير انا ودموع جرح الخيانه عطيت قلبي لوعة الهم والخوف = وهو اللذي اعطــــاك صافي حنانه يكفي طعنته بالغدر داخل الجوف = يبقى اثـــرها مابقى في زمــانه كنت احسبك غالي وبحالي تروف = ولاجالي في بالي تخون الامانه دامك جفيت أعمل بدنياك معروف = و حط بمكاني صفر من غير خانه ما نيب في طرد المقفـّين مكلوف = والثـــوب ماينفع بليا بـــطـــانه انسى زمان ٍ فيه اناكنت مشغوف = يوم الغرام يعـــيش في عنفوانه والموعد اللي جيت لك فيه ملهوف = انسى وعدنا والا انسى مـــكــانه والا تعــــال ومتع عيونك وشوف = تلقى خفوق ٍ ارتفع عنك شـــــانه |
صــــــح لســــانـــك
|
الساعة الآن 07:43 PM |
Powered by vBulletin V3.8.11. Copyright ©2000 - 2025, Tranz By
YsOrI
اصحاب عرب
الحقوق محفوظة لشعراء عنيزة 2004-2024