دامك عرفتي وش حصل من زماني =عيشي معي عيشة غريب وغريبه
عيـشي معي جرح الزمن لو ثواني = الضيم شفته والليالي مصيـــبه
ضــامي وغيري ذاق حالي حناني = لاتـزعلي لوقلت مانتي حــبيبه
انـــا انحنيت لوقتي الي عصاني =وسـألت عن ذاك الأمل من يجيبه
الوقـــــت ظالم والغرام ابتلاني = فــيها وانا ادري ذكرياتي عجيبه
الله عطاني قلــــب والله عطاني = نفــسٍ خلت من كل شكٍ وريبه
راحت وانا أشكي من هواها واعاني =غريـب وابكي من جروح عطيبه
كلي الم .. كلي حزن والأمـــاني =كانت أمل مذبوح ياأحلى غريـبه