شرهتي على كبار عقولهم رزينه=و الا الجهال ابد ما عليهم ملامه
ما دروا شالسالفه و يبللون الطينة=وبعضهم ماتدري شيقول وش معنى كلامه
خبر يفرح القلوب بس ليش قلوبهم حزينه=و الا هذا هو الحسد وهذا مقامه
سبحان من نور عقول و جعل بعضها زينه=و عيونهم مثل بعير ما يشوف سنامه
كيف يتطاولون على تاج روسهم بالشينه=وكبارية عنيزه ماهمهم الا تقديره و احترامه
كلها نور من ساسها لعالي جبينه=ويشهدلها رخام الحرم و حمامه
ردوا يا مدعين العقول الفطينه= و الاحطوا روسكم مثل حط النعامه
كان بتخالفون هدي النبي و تعاليم دينه=نسأل المولى من عقولكم السلامه
فديتك يا أم عزوز وكل اللي تقولينه=سيري و ما نبح من الكلاب ارميله عظامه
غاوي و تبعت شعرك و كل مكان تدوسينه=واقول وش جاب وسطى اليد لم ابهامه
هذا كلامي و لا يحتاج له بينه= و لابد من ظهور الشمس لو حجبتها غمامه