ياالصاحب اللي نحتفل به ونغليه=محمد البسام شوق الهنوفي
مبروك ما جاكم عسى العز يتليه=وياقاه ربي من جميع الصدوفي
لعل ربي في صلاحه يحلّيه=تتعب عليه وتالي الوقت يوفي
يا خوفتي من هالزمان وبلاويه=تداخلت فيه النقط بالحروفي
واللي مثيلك ما يبي من يوصيه=افطن عسى ماهوب قلبه ولوفي
أخاف كان إن المودة مواريه=يروح قلبه مثل أبوه مخطوفي
حذرا ترى بعض الهوى شفت راعيه=يعيش ما بين النكد والحتوفي
وإن زرت فيه الشام وإلا نواحيه=حقٍّ علي إن ماصفق بالكفوفي
يقول يا ويلي على الزين ويليه=وش جابني لك يا حياة الكلوفي
هذا الجمال وباقي الزين ما بيه=علم الوكاد موثّقٍ بالحلوفي
حقي لكم والقلب يتلي مشاهيه=شفّي ومطلوبي شبيه الخشوفي
كنّه ولو هو داجي الليل غاشيه=صافي شعاع الشمس عقب الكسوفي
ما كل شيٍّ يعجب اللي نظر فيه=الله خلق والله فرق بالوصوفي
واقلبي اللي ما بقى به تواليه=خذوه من صدري وعيني تشوفي
والله ما أنسى اللي على البال طاريه=أقوم وأقعد بالندم والحسوفي
ريمٍ عيونه تنهب اللي يراعيه=عليه مثل الليل فوق الكتوفي
يا وين أنا به كيف مثلي يخليه=لو ما حدتني حاديات الظروفي
عز الله اللي راح ما نيب راجيه=وما كل ما فاتك يصير مخلوفي
ذقت الهوى عنده ولا نيب ناسيه=زودٍ على من حين قلبي عطوفي
ومن لا شرب كاس الهوى ويش يدريه=الله بحال اللي تعنى يروفي

المشاركة الأصلية كتبت بواسطة عاشق ومالي حبيب (المشاركة 49263) صح السان الشاعر مشكور اخوي الله يعطيك العافية