هذا محاوره اسبوع المرور لهذا العام مع الشاعر ابراهيم الشيخي
ابن حسن
يامرحبا ترحيبة ٍ تضفي على كل الحضور=عداد ماهل المطر .. والله يديم العافيه
انا حبيت اشارك يوم جيت في اسبوع المرور=وابدي لهم وجهت نظر .. والله يديم العافيه
الشيخي
الك البقاء ردة وفاء والحفل بالناس معمور=اعداد مافاح البحر .. والله يديم العافيه
حضرت بالحفل المروري لا تلف ولا تدور=لا تقطع اللون الحمر .. والله يديم العافيه
ابن حسن
امن الجوادث من سلم فيه الاعاقه والكسور= اما صدر والا ضهر .. والله يديم العافيه
والود ودي لو يصير اسبوعهم خمسة شهور=والا نزودهن شهر .. والله يديم العافيه
الشيخي
ترا السبب فيما تشوف امن الحوادث والامور=ضعف البصيره والبصر .. والله يديم العافيه
طولتها قصرتها عقب البحر سبعة بحور=ماطال من شي قصر .. والله يديم العافيه
ابن حسن
يابو محمد ويش رايك وانت رجال مخبور=ويش السواة بهالبشر .. والله يديم العافيه
والشور عندي كان مثلك يمتثل لاقيل شور=اصحا تقرب للخطر .. والله يديم العافيه
الشيخي
لو كان مانعرفك سميناك حفار القبور=تحفر قبر تدفن قبر .. والله يديم العافيه
ياحضرت البناء كثيب الرمل مايبني قصور=جرب تعمر قصر.. والله يديم العافيه
ابن حسن
ماتدري انك زدت نور الملعبه ذالليل نور=لو كنت مصري من مصر .. والله يديم العافيه
الفرد ماودي بتال الليل يالشاعر يثور=احدن ربح واحدن خسر .. والله يديم العافيه
الشيخي
ظلمت شعار القصيم اللي لهم معنا حضور=اخطيت يا واحد نفر .. والله يديم العافيه
يالله حسن الخاتمه شكلك من الموت مخطور=علتك من فوق وحدر .. والله يديم العافيه