باكي وعيني على كثر الدمع مشروخه=هادي ولا جات في وصف الهوى كلمنجي
ونفس للشعر البدائي ماهي بمرضوخه=وما احب اللون الاوسط يا ابيض ويا زنجي
استعذت وقلت يالله والرئة منفوخه=وامسك خطوط المحبّة ومتغرّز رنجي
من ثلاث سنين روحي بالعشق مطخوخه=بالجمال اليعربي لا ما خلطه افرنجي
سيّدة حسن الطبيعة والعذارى فروخه=يا عساها تنقذ المسلوب منها وتنجي
ساحرة رمش وحلاها في فتاوي شيوخه=مايسة قدّ ودلعها فاق حد الغنجي
فاكهة في بيت اهلها في مذاق الخوخه=كن ابوها لا رباها مشتغل بستنجي
وشعر سايح مسك فايح كنّها مبخوخه=مبسم احمر ريقٍ اخمر خدّها اسفنجي
لا المستني رحت في غيبوبتي والدوخه=وخدّرتني كنّي اللي ماخذ ابرة بنجي
الزمن هذا غدابه عاشقيه دلوخه=شوفوا الحبّ الحقيقي لا سكن قصمنجي