يابو محمد بت انا منك محتـــار=ثوب الجفاء دلى يرفرف شليلــه
ماحق تجفا صاحب مابعد بــــار=وانته عوايدك القديمه جميلــــــه
جفواك خلتني مثل راعي الغــار= حيــــرت فكــري يامسلي قبيــله
لك قيمة يابو محمد ومقــــــــدار=ومعاتـب الأصحاب مافيه عيلــه
شره عليك وشرهتي كبر سنجــار=تجي اسبوع ولا حصل منك ليلــه
نشدت عن ونشدتك مالها كـــــار=جنبت عنا والزيارة فضيلـــــــــــه
هــذا وأنا مالي مراويح بالـــــدار=ماهيـب نفسي للمسير بخيلـــــــــه
لي حق يوم ان القدر والفـــلك دار=اللــي مثل حالي كـذا ينعنيلــــــــــه
حيث المواصل للعرب صار تذكـار=حبل المواصل لا يجي فيه ميلــــــه
العمــر فيّه زايل ياحجا الجــــــــــار=لاتامن الدنيــا تحسبه طويلـــــــه
اشره على مثلك الي صار ماصــــار =اعاتب اللي مثلــكم من قبيلــــــــــه
ماعاتب الدوني ولو يا علي جــــــار=كل مخلينــه يروح بسبيلــــــــــه
صلاة ربي عد ماطقوا الطــــــــــار= واعداد ماورد القطاء للثمـــــــيله
على النبي المصطفى سر وجهــــــار =اختاره المولى نبـي الوسيلــــه

العيـن سهرت والقلم بالورق سار=والنفس من حيف الليالي عليــــله
واصبحت كن القلب يصلي على نار=والعين من غب السهر مستذيله
مــن عقب ماني ناسي نظم الأشعار =ولعتبــي يابـــو اسلّيــــم فتيلــــه
وخليتنــي متحيــــــر بيـن الأفكــــــار=مالـي عـن القالـه ملاذ وحيلـــه
هذا وانا ماحــب تلفيـق الأعـــــــــذار=أيضا ولا حــب النفـوس الذليلــه
اترك طريق الكذب واسلم من العــــار= والصدق عن تيهات الأرياء دلــيله
وطـويق ماعمــره نفـــع كــل عيـــــار=نلقـــاه لو يرقى براس الطويلـــه
ياصاحبــي خـل اخبـرك بالذي صـــــار=غديــت مثل الي مراحـــه مقيله
الوقـت عيـــا لايطاوعنــي اختـــــــــار=والواجبــــات الي عليـنا ثقيلــــه
عمـــد بلا نسيـــان ماجيـــــــــت زوار =ماهو جفــا مير المشاحي قليلــــه
جهامة من فوق والساس منهـــــــــار= والوقت يشعاني بجيشه وخيلـــــــه
يعلـم بـي اللـي عالم كل الأســــــــــرار=مابـي ركايـبنا تجيـكم هزيلــــــه
حيـثن لك عـندي مقــــــام ومقـــــــــدار=وحق علــى مثلي المثلك يجيلـــــه
وحــق على ازيـــارتك مـير الاقـــــــدار=تدخــلت بيــن العميــل وعميــــله
وسـلم وسـلم علـى كـل الاخيـــــــــــــار=من غاب عن مجلسك واللي يجيـله