بديت باسم الله على اول وتالي=عليه مضمون اتكالي ولاخاف
ياموطني نفداك في كل غالي= نرفع لك الاخضر يرفرف ترفراف
ياموطني تحماك اسود الرجالي=ارواحنا لك ياوطن فرش والحاف
شبه الجزيره دونها مانبالي=وان الحياة بذل الاوطان تنعاف
حنا سعوديين والراس عالي=اّ مر يابو متعب من الموت منخاف
ياديرتي يسقيك وبل الخيالي=عسى عليك مروّّح المزن هتاف
غربيها وشرقيها والشمالي=وجنوبها وابلادنا مالها اوصاف
ام القرى ابلاد الامن والكمالي=فيها عباد الله على البيت عكاف
وعروس صحرانا رياض الجمالي=ارض التقدم والحضاره للاسلاف
وحائل عروس الورد بارض الشمالي=وجده عروس البحر الاحمر لها اوصاف
وابها البهيه بالبهى والجمالي= فيها الطبيعه تجذب الناس صياف
والطائف الكايف بروس الجبالي=في صيفنا رحنا لها جونا كاف
=عيسى الرشودي العوفي))